A recent poem that won me 2nd prize... in the Literary Competition...'Raknno weekly'...
ಚಂದ್ರೆಮಾಚೆ ಪಾಕಾಟೆ ಫುಲ್ತಾನಾ
ಚಾಂದ್ನೆಂ ಭಾಯ್ರ್ ಸರ್ತಾ
ಸೊದ್ನಾಂ ತ್ಯಾ ಸುಕ್ಣ್ಯಾ-ವಾಟೆಚಿ...
ಸುಕ್ಣ್ಯಾಕ್ ಉಬ್ಲ್ಲಿಚ್ಚ್ ವಾಟ್ ತರ್
ಸುಕ್ಣ್ಯಾಂಚೊ ವಾಟೊಚ್ಚ್ ಚಂದ್ರೆಮಾಚಿ ವಾಟ್!!
ತರೀ ಸೊದ್ನಾಂ ತ್ಯಾ ಸುಕ್ಣ್ಯಾ-ವಾಟೆಚಿ...
ಆಪ್ಲೆಂ ಆಂಗ್ ಚೀರ್ನ್ ಉಬ್ಚ್ಯಾ ಸುಕ್ಣ್ಯಾಚಿ
ಲಾಗ್ಶಿಲ್ಲಿ ವಳಕ್ ವಾರ್ಯಾಕ್ ಆಸಾ
ತರೀ ವಾಟ್ ತಾಚಿ ಪಾರ್ಕುಂಚಿ ಕಶಿ
ಅಪುಣ್ಂಚ್ಚ್ ವಳೆಸ್!!!
ರೆಂವೆ ಕಣಾಂತ್ ರೆಂವ್ಟಾಚೊ ಘುಟ್ ಲಿಪ್ಲ್ಲೆ ಬರಿ
ಶೀತಳ್ ವಾರ್ಯಾಂತೀ ತ್ಯಾಚ್ಚ್ ಸುಕ್ಣ್ಯಾಚಿ ಮೂರ್!!
ನಿದ್ಲ್ಲ್ಯಾ ಸಂಸ್ರಾಚ್ಯಾ ಅತ್ಮ್ಯಾಚ್ಯಾ ಭಾಸೆಂತ್
ಮಿಸ್ಳಾಲ್ಲ್ಯಾ ತ್ಯಾ ಸುಕ್ಣ್ಯಾಚ್ಯಾ ಸೊಪ್ಣಾಂತೀ
ಚಾನ್ನ್ಯಾಚಿ ಆಶಾ ಆಸಾತ್?!
ತರೀ ಸೊಪ್ಣಾಂ ಜಾಗಂವ್ಕ್ ಸೊಡ್ಚೆ ನಾಂತ್
ರುಕಾಚೆ ಮೊಸ್ರಿ ಕೊಲೆ!!
ಮಾಸ್ಳೆಚ್ಯಾ ಮೆಟಾಂಕ್ ವಳ್ಕಾನಾತ್ಲ್ಲ್ಯಾ ದರ್ಯಾಂಬರಿ
ಮಾಡ್ತಿರ್ ಸೊಪ್ಣಾಂಚೊ ತತ್ಕಾಲಿನ್ ಸುಖ್!!
ಚಂದ್ರೆಮಾಚ್ಯಾ ಪಾವ್ಲಾಂಚ್ಯಾ ಸಾವ್ಳೆಂತ್ಚ್ಚ್ ಸುಕ್ಣೆಂ ನಿದ್ಲಾಂ ತರ್
ವಾಟೆರ್ ತಾಚ್ಯಾ ಚಾಂದ್ನೆಂ ಜಳ್ಲ್ಯಾರ್ ಕೆತೆಂ?
ರಾತ್ಚ್ಯಾ ಸುಕ್ಣ್ಯಾಚಿ ವಾಟ್ ರಿತಿಚ್ಚ್!!!
ಶೆಕಿಂ ವಾಟ್ ಚುಕ್ಲ್ಲ್ಯಾ ಸೊದ್ನಾಂಕ್ ಸೊಪ್ಣಾಂ ಭೆಟ್ಲ್ಯಾರೀ,
ವಾಟ್ ತಿ ಮೆಳ್ಚೆ ತಸಲಿ ನಂಯ್, ಭಿತರ್ಚ್ಚ್ ಆಸ್ಚಿ.
ಆಬ್ಳೆ ಎದೊಳ್ ತ್ಯಾ ಸುಕ್ಣ್ಯಾ-ವಾಟೆರ್ಚ್ಚ್ ಮೋಗ್ ಜಾಲಾ!!!
